Mai i te akomanga: He matapaki pukapuka

I tēnei putanga whakanui i te Wiki o Te Reo Māori kua kōrero ki ētehi tamariki nō Te Kura Kaupapa Māori o te Tonga o Hokianga, kia rongo he pēhea ō rātou whakaaro mō ētehi tānga reo Māori ina tata ake nei kua puta mai. Ko tā rātou whakatau: Te nanakia hoki!

Ko Flit te Tīrairaka me Ngā Hēki Muna, nā Kat Merewether; nā Ngaere Roberts ngā korero i whakamāori.

I te tuatahi, i kima a Flit i ngā hēki itiiti, he hēki inarapa. Katahi ka whakaaro a Flit, nā wai ngā hēki. No reira, ka haere a Flit hei kimikimi i ngā mātua.

He pukapuka pai tēnei mo te tau 8-10, nā te mea he pukapuka māmā ki te pānui, engari he maha ngā kupu hou.

He maha ngā manu, he rerekē ngā hēki a i a manu, he hēki anō ki wētahi atu kararehe.

He pakiwaitara pai tēnei ki ahau. He pai ngā pikitia, he pai te kōrero, he pai hoki te wharangi papakupu!

Ko Puhanga Tohora te maunga

Ko Pokerata te marae

Ko Otaua te awa

Ko Ngaitu te hapu

Ko Ngāpuhi te iwi

Ko Ngātokimatawhaorua te waka

Ko Hokianga te moana

Ko Kupe te rangatira

Ko Nicky Rogers toku mama

Ko David Pirini toku papa

Ko Logen ko Kaija ratou

Ko Miya ōku tuakana

Ko Aria toku teina

Ko Anamaria Rogers Pirini toku ingoa.

Ngā Mea Kei Rō Moana e Whakapā mai Ana!, nā Linda Jane Keegan i tuhi; nā Minky Stapleton ngā pikitia i tā; nā Ngaere Roberts ngā korero i whakamāori

I te tuatahi, e hiahia ana te kotiro ki te haere ki te moana. Engari, i te taengā atu i roto i te moana, i mataku ia ki ngā mea katoa kei roto!

He pukapuka mai mō ngā tamariki o ngā tau 7-10, nā te mea āhua uaua ki te pānui, āhua uaua wētahi kupu.

Mehemea, ka haere koe ki te moana, kaua e mataku. He maha ngā mea pīwari kei roto, engari he momo wai noa iho.

He pakiwaitara pai tēnei, na te mea i te tuatahi tino mataku te kotiro, engari i te mutungā i katakata kaha te kotiro ki te mataku o tōnā māmā.

Ko Waimamaku te awa

Ko Te Whakamaharatanga te marae

Ko Kai-a-te-whetu te maunga

Ko Hokianga te moana

Ko Ngāpuhi te iwi

Ko Ngātokimatawhaorua te waka

Ko Nukutawhiti te te rangatira ō runga

Ko Ngati Pao, Ngati Korokoro, Ko te Roroa ōku hapu

Ko Maraea Hohaia Toleafoa tōku ingoa

Te Kī Taurangi a Puanga: He Pūrākau Matariki, nā Kirsty Wadsworth i tuhi; nā Munro Te Whata ngā pikitia i tā; nā Ngaere Roberts te kōrero i whakamāori

Ko tētahi kaupapa i roto i te pukapuka i kapohia i tona aroaro. Ka hikina e Tāwhirimātea ia Puanga ki te rangi. Ko Puanga tētahi whetū pīata ana i te pae o te rangi. Ko Hana tōna hoa. I te wā i hikina ai e Tāwhirimātea i a Puanga ki te rangi, i tangi hotuhotu a Hana mōna.

9 ōu pakeke kia pānui i te pukapuka nei, nā te roa, me te hōhonutanga.

Ko Kirioke te maunga

Ko Punakitere te awa

Ko Ngātokimatawhaorua te waka

Ko Kupe te rangatira

Ko Te Iringa te marae

Ko Ngatitautahi te hapu

Ko Ngāpuhi te iwi

Ko Maia Davies Moon toku ingoa.